CHEV - NEWS

Handballzeitung N°2

Fir eisen 1. Héemmätch den Owend vun eisen Dammen géint Käerjeng hun mir och nees eis traditionell Handballzeitung am Online-Format.

Mir soën all eisen Sponsoren villmols MERCI fir hier Ënnerstëtzung.

Handballzeitung 2 vum 18.09.2021

Covid Check bei den Mätcher

D’Mätcher an der Dikricher Sportshâl gin alleguerten ënnert dem Régime vum Covid-Check duerchgefouert. (Geimpft – Geheelt – Getest ab 6 Joër).

Dëst erlaabt eis, fir méi Zuschauer eranzehuelen, eis Buvette opzemaachen an d’Masken- an Distanzpflicht fällt esou och weg.

Well mir als Veräin responsabel sin fir d’Anhaalen vum Covid-Check, wäert ënnen iwwert d’Entrée vun den Vestiairen just nach Spiller an Offizieller vun den Equippen erangeloss gin. Duerno ass dës Dier nees zou.

All Supporter gët uewen an der Keess (Entrée Tribün) kontrolléiert, op den Covid-Check Certificat (QR-Code) valabel ass.

Déi Supporter, déi keen gültigen Certificat hun, können selwer een Test matbrengen, deen op der Plaatz gemaach gët, oder een Test zum Präis vun 3 € kaafen, fir dann ze maachen.

Saisonvirschau an der Presse

Dës Woch war vill Handball an den vereenzelten Daageszeitungen, fir op déi nei Saison, déi haut start, anzestëmmen. Dir könnt déi eenzel Artikel hei nachemol liesen.

Saisonvirschau Le Quotidien

Saisonvirschau Tageblatt

Saisonvirschau Wort

Clips Season-Opening FLH

Um Season-Opening vun der FLH hun sëch eis Dammen an Häeren mat flotten Video-Clips virgestallt. Kuckt selwer eran.

Alina Molkova als MVP gewielt

Um FLH Season Opening ass d'Alina Molkova als MVP vun der Saison 2020 - 2021 geéiert gin. Mir gratuléieren dem Alina fir dësen Titel.

Auslousung Coupe de Luxembourg

Den Owend war um Season-Opening vun der FLH d'Auslousung vun der Coupe de Luxembourg bei den Dammen an Häeren.

Eis Dammen hun an der 1/8 Finale een Fräilous als Champion an stin direkt an der 1/4 Finale.

Eis Häeren hun an der 1/8 Finale een Auswäertsmätch beim HB Diddeleng zougeloust kritt.

Gespillt gët um Weekend vum 16. - 17. Oktober 2021

90er Party @ Al Seeërei

Den 2. Oktober 2021 feiert den CHEV Handball zesummen mat Good Times Luxembourg an der Aler Seeërei eng grouss 90er Party.

Ticket'en gin just online verkaaft ënnert folgendem Link.

Tickets 90er Party

Mam Accord vum Ministère de la Santé feiere mir an enger voller Seeërei ënnert dem CovidCheck. Et gëlle banne keng Restriktiounen an d’Party geet vun 21.00 bis 03.00 an der Nuecht.

Mindestalter: 18 Joer

Dëst ass e CovidCheck Event. Wann dir eis keen offizielle QR Code vun ärer vollstänneger Impfung oder enger iwwerstanener Infektioun kënnt virweisen, braucht dir e QR Code dee beweist, dass dir negativ op de COVID-19 getest si gitt.

Aner offiziell Certificaten (Ministère de la Santé, Gemeng, Apdikt, Labo) si selbstverständlech och valabel. PCR Tester si valabel fir 72 Stonnen an zertifiéiert Schnelltester fir 48 Stonnen.

WICHTEG: Et wäerte KENG Tester op der Plaz duerchgefouert ginn!

Vum CHEV an déi 1. Bundesliga

En Samsdeg hun mir um Supercup zu Bissen d'Alina Molkova verabschied an him MERCI gesoot, fir säin Asaatz während deenen letzten 2 Joër bei eisen Dammen.

D'Alina verléisst eisen Veräin, fir an der 1. Bundesliga bei den Handball-Luchse Buchholz 08-Rosengarten een neien Challenge unzegoën.

Mir wënschen dem Alina vill Freed an Erfolleg an sénger neier Equipe.

Supporter-Kaart

Ewéi déi letzt Joëren schons, proposéieren mir eisen Memberen eng Supporter-Kaart fir all Championnats-Mätcher vun eisen Dammen an Häeren an der Dikricher Sportshâl ze kucken.

Den Präis vun der Supporter-Kaart ass 100 €.

Dir könnt d'Supporter-Kaart ganz einfach per E-Mail op office@chev.lu bestellen an eng Iwwerweisung op den CHEV Konto vun der BCEE LU46 0019 3000 0359 2000 maachen.

Programme

Den Programme fir déi nei Saison steet an ass elo och online. Den Programme kann och als pdf-Datei eroofgelueden gin.

Programme Saison 2021 - 2022

EHF-Arbitter

Mir gratuléieren dem Denis Weinquin, deen 2007 seng Arbitter-Carrière bei eis am Veräin ugefaangen huet, an sengem Partner Sabien Weber, déi no enger gudder Performance op der W17 EHF Championship elo offiziell EHF-Arbitter gin sin.

Mir wënschen hinnen vill Erfolleg bei hieren Asätz bei der EHF an och an eisem Championnat.

Jugend Saison 2021 / 22

Et ass elo schon méiglig fir nei Jugendspiller(innen), déi intresséiert sin fir Handball ze spillen, fir sëch unzemelden an bei der Reprise no der Summerpaus vun eis kontaktéiert ze gin. Umelden an Info op office@chev.lu.

CHEV-Masken

Eis CHEV-Handball-Masken sind ukomm. D'Masken gët ët an den Gréissten S - M - L - XL.

Präisser: 1 Mask: 6 € - 2 Masken: 11 € - 4 Masken: 20 €

Dir könnt se bequem bestellen per E-Mail op office@chev.lu oder beim Jacquy GSM. 621 319 341.

Bezuelen ass méiglig per Digicash.

Carte Client ASPORT

Mir maachen nachemol een Opruff un eis Memberen, Elteren vun Spiller(innen) an Frënn vum CHEV Handball, fir eis d'Nummer vun Äerer Clients-Kaart am ASPORT matzedeelen. Heimat könnt dir den CHEV Handball bei all Akaaf am ASPORT ënnerstëtzen, andeems mir Prozenter gudd geschriwwen kréien.

Dir könnt eis d'Nummer ganz einfach per E-Mail op office@chev.lu mailen.

Partenariat ARAL

Mir hun mat ARAL een Partenariat oofgeschloss, wou mir pro getankten Liter en puer Cent op den CHEV-Konto iwwerwisen kréien. Heivir zielen mir op all eis Spiller, Supporter, Elteren an Frënn vum CHEV-Handball, fir eis do ze hëllefen.

Heivir könnt dir bei engem Comités-Member oder per E-Mail op office@chev.lu ufroën, fir den Formular fir eng Routex-CHEV-Kaart ze kréien. Dës Routex-Kaart funktionnéiert ewéi eng VISA-Kaart an gët 1x den Mount vun äerem Konto oofgebucht.